مواصفات الزوج الخائن
· 1) موبايلو دايماً عليه قفل والموضة الجديدة موبايلين بقفل
2) كل ما تدقي عليه عنده بيطلعلك (مشغول)وسبحان الله بالبيت موبايلو مابيرن ابدا وغالبا ليش لانو سايلنت
3) إذا نسي موبايلو وهو نازل ع الدكانة ولاّ ع الصيدلية يرجع متل الصاروخ ليش من شان ياخدو
4) بيفهمك إنو أكثر واحد في الدنيا يستعمل الآلة الحاسبة....بس هوّا في الواقع يا حبيبتي بيبعت مسجات
5) الفاتورة هي حلم إنك تشوفيها لأنو بياخذ الفاتورة من شركة الاتصالات مو من البريد
6) إزا راح لينام بيقفل موبايلو مو من مشان سواد عيونك لا بس صاحبتو بتغار عليه يابعدي وما بدها يغازل غيرها
7) عنده ردود إستباقيه ...... يعني إذا دق موبايلو بيقلك لك هادا واحد وسخ ما بدي رد عليه بدوووووون ما تسأليه مين !!
لو نسي الموبايل بالغلط ..... و لقاكي ماسكتيه أو حتى عم تتفرجي عليه بعيونك يصير يعيط ويشيط كأنو صار شي زلزال
9) يكون عنده إرتباط شرطي بين المسجات أو الرنة ... و الطلعة من البيت!!
إبصر شو العلاقة بينهم بس لازم يهرب من البيت بعد ما حدا يدقلو إبصر لوين بيروح وبيغط
10) بيحكي من مواقع غريبة - حمام - مطبخ المهم يقفل الباااااااااااااااب
11) فيه أسماء غريبة في موبايله على سبيل المثال
أبو غادة = غادة
عنتر = عبير
حب الدوار = ساكنة بالدوار
أنور = نوره
أبو صالح = باميلا اندرسون
12) فجأه بيصير حبيب معك بدون سبب (هي عقدة الذنب)
13) ما بيمنعك من الروحه لأي مكان ... لأنه بدو يخلص منك يا هبلة دايماً بيقلك روحي إنبسطي الله يسرلك والقلب داعيلك
14) دايماً عندو شغل في حمص أو حلب ويمكن بيروت ليله وبيرجع !!
ما بيطول يا بعدي
15) إذا رحتي على بيت أهلك ودق وقلك إزا مبسوطة مع خواتك نامي اليوم عندهم مو مشكلة حبيبتي
16) بيغسل قميصو بعد الويك اند بالمغسلة ( طبعا بالمصبغة مو بالبيت من شان يمسح الاثار يامووووو(
[size=24]
الخلاصة :إذا توفر 3 من الشروط السابقه يمكن إنك عم تتوهمي بس إنتبهي
إذا توفر 7 من المواصفات السابقة خافي على زوجك وإبدي شكي
إذا توفرت 10من الصفات السابقة اكيييد انه يخونك
إذا توفرت 13 من المواصفات السابقة أي بقطع ايدي إزا ما عم يخونك
إذا توفرت 16 كاملة قومي ضبي إغراضك و شنطتك وروحي على بيت أهلك!!
[/size]